Орталықтар | NIS Білім беру бағдарламалары орталығы

NIS Білім беру бағдарламалары орталығы

Біз туралы

«Назарбаев Зияткерлік мектептері» ДББҰ-ның «Білім беру бағдарламалары орталығы» Зияткерлік мектептер мен жалпы білім беретін мектептерге арналған білім беру және оқу бағдарламаларын, оқу жоспарларын, оқулықтарды, оқу-әдістемелік кешендерді, білім беру ресурстарын және басқа да оқу материалдарын әзірлейді. Материалдар цифрлық форматта да ұсынылады. Әзірленетін материалдар ұлттық және халықаралық озық білім беру стандарттарына негізделеді. Сонымен қатар оларды Зияткерлік мектептерде және жалпы білім беретін мектептерде апробациялау мен енгізу үдерісіне ғылыми-әдістемелік қолдау көрсетіледі.

NIS-Programme

«Назарбаев Зияткерлік мектептері» ДББҰ-ның NIS-Programme білім беру бағдарламасы ДББҰ-ның стратегиялық серіктесі – Кембридждің халықаралық білім беру мәселелері бойынша бағалау кеңесімен (КХБМБК) бірлесіп әзірленген және жаратылыстану-математикалық бағыттағы білім беруді қамтамасыз етуге бағытталған.

Оқулықтар мен оқу-әдістемелік кешендер

Оқулықтар мен оқу-әдістемелік кешендер – оқушылардың когнитивтік және метакогнитивтік дағдыларын дамытуға бағытталған, оқытуды саралауды қамтамасыз ететін және жоғары академиялық нәтижеге қол жеткізуге ықпал ететін заманауи оқу құралдары.

NIS-Programme Global

NIS-Programme Global – Білім беру бағдарламалары орталығының NIS-Programme Global бағдарламасын халықаралық деңгейде жүзеге асыруға бағытталған халықаралық бастамасы.

Жобалар мен қызметтер

Әдістемелік шешімдер әзірлеу, сондай-ақ жобаларды іске асыру және оларды жүзеге асырудың барлық кезеңінде мектептер мен серіктес бастамаларға қолдау көрсету.