«ProEco» байқауында NIS Ақтау оқушылары жүлделі орындарға ие болды

Ақтау қаласындағы Назарбаев Зияткерлік мектебінің оқушылары 5–8 сыныптар арасында өткен «ProEco» республикалық экологиялық жобалар байқауында жоғары нәтижелер көрсетті.

Атап айтқанда, «Мені қоршаған әлем – ғажайып әлем» бағыты бойынша Байтұрсын Балабай 1-орынды иеленді. Ал «Туған өлке табиғаты» бағытында Еркеназ Озғанбай, «Таза қала сізден басталады» бағыты бойынша Нұрдәулет Абдураим және «Үздік экологиялық бастама» номинациясында Мансур Мусиралиев 3-орынға лайық деп танылды.

Дәстүрлі байқауға еліміздің барлық өңірлерінен 100-ден астам оқушы қатысып, 88 жоба ұсынылды. Жобалар табиғатты сақтау мәселелерінен бастап, қаладағы экологиялық жауапкершілікті қалыптастыруға бағытталған бастамаларға дейінгі кең ауқымды қамтыды.