Астанада жаратылыстану-математикалық бағыттағы пәндер бойынша XIX Президенттік олимпиада өз мәресіне жетті. Байқау қорытындысында Назарбаев Зияткерлік мектептерінің 15 оқушысы жүлделі орындарға ие болып, 4 алтын, 5 күміс және 6 қола медаль жеңіп алды.

Олимпиадаға Қазақстанның барлық өңірінен 11–12-сыныптарда оқитын 188 үздік оқушы қатысты. Қатысушылар математика, физика, химия және биология пәндері бойынша білімдерін сарапқа салды. Олимпиаданың негізгі мақсаты – дарынды оқушыларды анықтау және қолдау, олардың зияткерлік әлеуетін дамыту, сондай-ақ жаратылыстану ғылымдарына қызығушылығын арттыру.

Қатысушылардың жұмыстарын халықаралық олимпиадалардың жеңімпаздары мен жүлдегерлері, сондай-ақ Қазақстанның және шетелдің жетекші жоғары оқу орындарының студенттері, магистранттары мен PhD дәрежесі бар мамандардан құралған қазылар алқасы бағалады.

Алтын медаль иегерлері:

Шайхислам Асқанбай – Шымкент қаласы Абай ауданындағы NIS

Әлихан Әкім – Шымкент қаласы Абай ауданындағы NIS

Жанат Әбілғалиев – Алматы қаласы Наурызбай ауданындағы NIS

Нұрбақыт Сағилатова – Қызылордадағы NIS

Күміс медаль иегерлері:

Ағзам Усман – Көкшетаудағы NIS

Асқар Мұстафин – Алматы қаласы Медеу ауданындағы NIS

Ақжол Әділ – Алматы қаласы Медеу ауданындағы NIS

Азат Шадмет – Алматы қаласы Медеу ауданындағы NIS

Ислам Аманшиев – Ақтөбедегі NIS

Қола медаль иегерлері:

Жәңгір Махатов – Семейдегі NIS

Ернұр Сапаралиұлы – Шымкент қаласы Абай ауданындағы NIS

Зарина Сегізбаева – Павлодардағы NIS

Әлинұр Ниязов – Тараздағы NIS

Әміржан Әлмұхан – Ақтөбедегі NIS

Арслан Исенхан – Семейдегі NIS