NIS оқушысы жас тарихшылардың республикалық байқауында топ жарды

Шымкент қаласы Қаратау ауданындағы Назарбаев Зияткерлік мектебінің оқушысы Ерасыл Таубұзар Таразда өткен «Менің кіші Отаным» атты жас тарихшылардың республикалық байқауында бірінші орынға ие болды.

Білім сайысына өңірлік іріктеуден өткен 9–10-сыныптардың 100-ден астам оқушысы қатысты. Қатысушылар туған өлкенің тарихы мен мәдени мұрасына қатысты білімдерін сарапқа салып, тарихи танымдары мен ізденістерін көрсетті.

Сондай-ақ байқауда NIS-тің басқа да шәкірттері жетістіктерімен ерекшеленді. Түркістандағы NIS оқушысы Нәзік Тнейбай, Ақтаудағы NIS оқушылары Тамирлан Азаматжанұлы мен Мадияр Хусаин грамоталармен марапатталды.