NIS оқушылары Еуропадағы олимпиадада 6 медаль олжалады

Литваның Вильнюс қаласында география пәнінен Еуропалық олимпиада (EGeO) өз мәресіне жетті. Қазақстан құрамасының сапында бақ сынаған Назарбаев Зияткерлік мектептерінің оқушылары білім сайысында жоғары нәтижеге қол жеткізіп, 2 күміс және 4 қола медаль еншіледі.

Күміс жүлдегерлер:

Андрей Енбахтов – Қостанайдағы NIS оқушысы

Ақжол Болат – Талдықорғандағы NIS оқушысы

Қола жүлдегерлер:

Әлихан Қалмағамбетов – Ақтөбедегі NIS оқушысы

Мансұр Тұрсынғалиев – Павлодардағы NIS оқушысы

Рамиль Имашев – Талдықорғандағы NIS оқушысы

Микаэль Почукаев – Шымкенттегі химия-биология бағытындағы NIS оқушысы

Айта кетейік, European Geography Olympiad 2015 жылдан бері өткізіліп келеді. Олимпиада оқушылардың география және қоршаған ортаға қызығушылығын арттыруға, ғылыми ойлауын дамытуға, сондай-ақ мемлекеттер арасындағы кәсіби және мәдени ынтымақтастықты нығайтуға бағытталған. Байқау үш кезеңнен тұрады: жазбаша тапсырма, мультимедиялық тест және далалық тур. Барлық кезең ағылшын тілінде өтеді.