«Назарбаев Зияткерлік мектептері» дербес білім беру ұйымы, Білім беру саясаты және бағдарламалар департаментінің ұйымдастыруымен, 2015 жылдың 14-16 қыркүйегінде Астана қаласы физика-математика бағытындағы Назарбаев Зияткерлік мектебінде Малайзия кітапхана ісі саласындағы халықаралық сарапшы Дилжит Сингхтың қатысуымен кітапхана қызметкерлері және жатақхана меңгерушілері мен тәрбиешілеріне арналған «Ақпараттық кеңістікте оқушылардың көшбасшылық дағдыларын дамытудағы мектеп кітапханасының рөлі» атты семинар өтті.

2016 жылдың 23-25 ақпан аралығында «Назарбаев Зияткерлік мектептері» дербес білім беру ұйымының Білім беру саясаты және бағдарламалар департаментінің ұйымдастыруымен Алматы қаласы химия-биология бағытындағы Назарбаев Зияткерлік мектебінде кітапханашылар мен директордың тәрбие ісі жөніндегі орынбасарларына арналған «PISA мен кітап оқудың өзара байланысындағы зерттеулер нәтижесінде кітапхананы тәжірибеде қолдану» тақырыбында Оңтүстік Корея елінің кітапхана саласының сарапшы мамандарының қатысуымен семинар ұйымдастырылды.

2015 жылдың 28 маусым 2 шілде аралығында Маастрихт қаласында (Нидерланды) 30 мемлекеттен мектеп кітапханаларының халықаралық Ассоциациясының жыл сайынғы «IASL-2015» конференциясына білім беру саласының педагог кітапханашылар мамандары, мектеп кітапханалары ассоциациясының жетекшілері, ұлттық университеттердің кітапхана мамандықтарының оқытушылары әдіскерлері қатысты.

2014 жылдың 25-30 тамызында Мәскеу қаласында әлемнің 22 елінің делегациясы қатысқан «IASL-2014» халықаралық мектеп кітапханалары ассоциациясының дүниежүзілік форумына Зияткерлік мектеп кітапханашылары да қатысты. Форумға жалпы білім беру мекемелерінің кітапханашылары, оқулық және мектеп бағдарламаларының авторлары қатысты.

2015 жылдың 17-20 ақпанында «Назарбаев Зияткерлік мектептері» дербес білім беру ұйымының Білім беру саясаты және бағдарламалар департаментінің ұйымдастыруымен Алматы қаласы физика-математика бағытындағы Назарбаев Зияткерлік мектебінде кітапханашылар және интернат қызметкерлеріне арналған «Ақпараттық сауаттылықты дамыту» тақырыбында Оңтүстік Корея елінің кітапхана саласының мамандарының қатысуымен семинар ұйымдастырылды.